У горадзе Гродна вызначылі пераможцаў гарадскога конкурсу-агляду па добраўпарадкаванні. Агляд-конкурс па добраўпарадкаванні аб’яднаў 69 удзельнікаў — гэта прадпрыемствы, установы, арганізацыі і жылыя дамы горада Гродна. Ганаровыя узнагароды з рук старшыні Гродзенскага гарадскога выканаўчага камітэта Андрэя Хмеля атрымалі намеснік генеральнага дырэктара па сацыяльных пытаннях і ідэалагічнай рабоце Дзмітрый Габрыельчык і дырэктар унітарнага прадпрыемства «АзотСэрвіс» Павел Лісоўскі. Канкурсанты спаборнічалі ў 7 намінацыях: лепшая паліклініка, лепшая бальніца, лепшы дзіцячы садок, лепшая школа, лепшы адміністрацыйны будынак, лепшы аб’ект прамысловасці і лепшая прыдамавая тэрыторыя. 2 месца і прыз у 50 базавых велічынь у намінацыі «Лепшы аб’ект прамысловасці» заняў ААТ «Гродна Азот». 2 месца і прыз у 50 базавых велічынь у намінацыі «Лепшая прыдамавая тэрыторыя» — у СУП «АзотСэрвіс». Мэта правядзення конкурсу — зрабіць горад яшчэ прыгажэйшым, чысцейшым і ўтульнейшым.