ААТ «Гродна Азот», з'яўляючыся буйнейшым хімічным прадпрыемствам і, адпаведна, буйнейшым прыродакарыстальнікам Рэспублікі Беларусь, усведамляе сваю адказнасць перад грамадствам за захаванне спрыяльнага экалагічнага становішча ў зоне ўплыву прадпрыемства. Таму адна з важнейшых задач прадпрыемства — павышэнне ўзроўню экалагічнай бяспекі вытворчых аб'ектаў і змяншэнне тэхнагеннай нагрузкі на навакольнае асяроддзе.

На прадпрыемстве ўжо шмат гадоў дзейнічае экалагічная служба, якая ўкамплектавана неабходнымі спецыялістамі і абсталяваннем. Рэгулярна распрацоўваецца праграма аховы навакольнага асяроддзя, акрамя таго, прадпрыемства задзейнічана ў выкананні мерапрыемстваў галіновых і рэспубліканскіх праграм аховы навакольнага асяроддзя. Усё гэта дазваляе нам пры росце аб'ёмаў вытворчасці ажыццяўляць планамернае зніжэнне ўздзеяння прадпрыемства на навакольнае асяроддзе.

Асноўныя напрамкі дзейнасці ААТ «Гродна Азот» у галіне аховы навакольнага асяроддзя:

• кантроль выканання патрабаванняў прыродаахоўнага заканадаўства пры ажыццяўленні вытворчай дзейнасці;
  
• кантроль якасці выкідаў забруджвальных рэчываў у атмасфернае паветра, колькасці вады, якая забіраецца з р. Нёман, якасці і колькасці сцёкавых вод, якія скідаюцца ў р. Нёман і ў сістэму камунальнай каналізацыі, якасці вады ў р. Нёман вышэй і ніжэй выпуску сцёкавых вод прадпрыемства, складу падземных вод у раёне размяшчэння вытворчай пляцоўкі і аб'ектаў размяшчэння адходаў прадпрыемства, глеб у кантрольных кропках у месцах уплыву дзейнасці прадпрыемства на землі;
• распрацоўка і ўзгадненне ва ўстаноўленым парадку нарматываў дапушчальнага ўздзеяння прадпрыемства на навакольнае асяроддзе і кантроль іх захавання;
• кантроль стану атмасфернага паветра на мяжы санітарна-ахоўнай зоны і ў найбліжэйшай жылой забудове;
• распрацоўка і ўкараненне мерапрыемстваў, накіраваных на зніжэнне скідаў, выкідаў забруджвальных рэчываў, скарачэнне ўтварэння адходаў, іх захоўванне і выкарыстанне.

Экалагічны менеджмент

Ахова навакольнага асяроддзя на прадпрыемстве — гэта не толькі распрацоўка і ўкараненне прыродаахоўных мерапрыемстваў і ажыццяўленне вытворчага экалагічнага кантролю. Гэта яшчэ і пісьменны экалагічны менеджмент.

Разумеючы гэта, ААТ «Гродна Азот»  у пачатку 2000-х гадоў пачало распрацоўку і ўкараненне на прадпрыемстве сістэмы менеджменту навакольнага асяроддзя. У 2004 годзе мы аднымі з першых у краіне атрымалі экалагічны сертыфікат адпаведнасці і ў далейшым штогод пацвярджаем адпаведнасць укаранёнай сістэмы менеджменту навакольнага асяроддзя патрабаванням міжнародных стандартаў.

17 верасня 2018 года ААТ "Гродна Азот" атрыманы сертыфікат, які пацвярджае адпаведнасць сістэмы экалагічнага менеджменту новай версіі СТБ ISO 14001-2017.

Асноўны прынцып сістэмы экалагічнага менеджменту нашага прадпрыемства: прадухіленне ўздзеяння на навакольнае асяроддзе больш эфектыўна і эканамічна, чым выпраўленне наступстваў.