ПАВАЖАНЫЯ КАЛЕГІ!

Запрашаем вас прыняць удзел у III Міжнародным навукова—тэхнічным форуме па хімічных тэхналогіях і па нафтагазаперапрацоўцы «Нафтахімія—2020»!

лістапад 2020 г., г. Мінск

III Міжнародны навукова—тэхнічны форум па хімічных тэхналогіях і па нафтагазаперапрацоўцы «Нафтахімія—2020» пройдзе ў рамках інавацыйнага тыдня, прысвечанага 90—годдзю БДТУ.

Форум ставіць за мэту стымуляваць кантакты і абмен навукова—тэхнічнымі дасягненнямі паміж спецыялістамі, якія працуюць у галіне хімічнага і нафтагазахімічнага комплексу; стымуляваць маладых даследчыкаў у галіне генерацыі новых тэхналогій, прадуктаў і паслуг, рост уменняў і навыкаў удзельнікаў прадстаўляць і абараняць вынікі сваіх даследаванняў.

Тэматыка форума:

 1. Перспектывы і стратэгіі развіцця сусветнай і айчыннай нафтахіміі.

 2. Распрацоўка, здабыча, перапрацоўка нафты і газу, нафтахімія.

 3. Палімерныя кампазіцыйныя матэрыялы. Лакафарбавыя матэрыялы. Перспектыўныя тэхналогіі і абсталяванне для вытворчасці выраба¢ на іх аснове.

 4. Эластамерныя матэрыялы: сыравіна і матэрыялы для вырабу эластамерных кампазіцый, канструяванне і мадэляванне шын і гуматэхнічных вырабаў, перспектыўныя тэхналогіі і абсталяванне для       вытворчасці эластамерных матэрыялаў і вырабаў.

 5. Лічбавыя тэхналогіі і аўтаматызацыя ў нафтахімічным комплексе.

 6. Нанаматэрыялы ў палімерных кампазітах.

 7. Апаратурнае афармленне працэсаў. Павышэнне эфектыўнасці цеплаабменнай апаратуры хімічнай прамысловасці.

 8. Экалагічныя праблемы і шляхі іх вырашэння. Практыка абыходжання з адходамі вытворчасці: праблемы, рашэнні, перспектывы. Рэцыклінг палімерных матэрыялаў.

 9. Вытворчасць угнаенняў на аснове мінеральнай сыравіны і газу.

 10. Падрыхтоўка кадраў для нафтахімічнага комплексу на ўсіх ступенях дыпломнай і паслядыпломнай адукацыі.