Конкурс «Лепшы па прафесіі — лабарант хімічнага аналізу»

Конкурс «Лепшы па прафесіі — лабарант хімічнага аналізу» праводзіцца з 2014 года.

Мэты конкурсу: выяўленне і заахвочванне высокапрафесійных і таленавітых работнікаў прадпрыемства; матывацыя лабарантаў на павышэнне прафесійнага майстэрства; павышэнне прэстыжу прафесіі.

Конкурс складаецца з двух этапаў:

• першы этап: тэарэтычная частка (пытанні па спецыяльнасці; па дакументах, якія рэгламентуюць прафесійную дзейнасць; па назвах хімічнага посуду і яго знешняму выгляду; па пытаннях захавання аховы працы на канкрэтных прыкладах);
  
• другі этап: практычная частка. Да гэтага этапа дапускаюцца 6 чалавек, якія па рашэнню камісіі найбольш паспяхова справіліся з першым этапам.

Пераможцам і прызёрамі з'яўляюцца працаўнікі, якія набралі найбольшую колькасць балаў па выніках двух этапаў.

У конкурсе бяруць удзел работнікі ААТ «Гродна Азот», якія працуюць лабарантамі хімічнага аналізу любога разраду. Узрост канкурсантаў не абмежаваны.

05

06

01

02

03

04

Пераможцы 2015 года

• 1 месца — Наталля Руткевіч (лабараторыя ЦАТК па абслугоўванні цэха па вытворчасці метылавых эфіраў тлустых кіслот);
  
• 2 месца — Святлана Васілевіч (лабараторыя ЦАТК па абслугоўванні цэхаў аміяк-3, аміяк-4);
• 3 месца — Вольга Сайко (лабараторыя ЦАТК па абслугоўванні цэха метанолу) і Валерыя Гаеўская (санітарная лабараторыя).

Пераможцы 2014 года

• 1 месца — Кацярына Дзянісік (лабараторыя ЦАТК па абслугоўванні цэхаў вытворчасці капралактам-2);
  
• 2 месца — Ніна Бамбір (лабараторыя ЦАТК па абслугоўванні цэхаў вытворчасці капралактам-1);
• 3 месца — Вольга Сайко (лабараторыя ЦАТК па абслугоўванні цэха метанолу).