Асноўнымі відамі прадукцыі, што вырабляецца ААТ «Гродна Азот», з'яўляюцца аміяк вадкі тэхнічны, азотныя ўгнаенні (карбамід, карбаміда-аміячная сумесь — КАС, сульфат амонію, аміячная вада) і капралактам. Акрамя гэтага, выпускаюцца метанол, серная кіслата і олеум, слабая азотная кіслата, паліва біядызельнае, дыяксід вугляроду вадкі, а таксама розныя тавары народнага спажывання.

Тэхналагічная структура ААТ  «Гродна Азот» уключае ў сябе наступныя вытворчасці:

• аміяку (цэхі аміяк-3, аміяк-4);
  
• метанолу;
• карбаміду(цэхі карбамід-2, карбамід-3, карбамід-4);
• азотнай кіслаты і вадкіх азотных угнаенняў (КАС);
• капралактаму (цэхі капралактам-1, капралактам-2);
• сульфату амонію;
• сернай кіслаты і олеуму;
• паліва біядызельнага;
• дыяксіду вугляроду;
• гідраксіламінсульфату крышталічнага (ГАС).

Прадпрыемства мае развітую інфраструктуру дапаможных цэхаў, якія ажыццяўляюць рамонт і тэхнічнае абслугоўванне ўсіх відаў абсталявання, выраб запасных частак, аказанне паслуг іншым арганізацыям, а таксама работнікам аб'яднання і жыхарам горада. Супрацоўніцтва з навукова-даследчымі інстытутамі і шэрагам буйнейшых фірм, наяўнасць адпаведных навуковых падраздзяленняў дазваляюць забяспечваць пастаяннае ўдасканаленне тэхналогій з мэтай паляпшэння якасці прадукцыі і зніжэння яе сабекошту, эфектыўнай аховы навакольнага асяроддзя.